१. प्रस्तावना
मोरिंगा म्हणजे शेवग्याच्या पानांपासून तयार केली जाणारी पावडर होय. शेवग्याच्या पानांमध्ये अनेक पोषक घटक असतात. मोरिंगा पावडर तयार करण्यासाठी शेवग्याची ताजी पाने गोळा करून स्वच्छ धुतली जातात. त्यानंतर ती सोलर ड्रायरमध्ये वाळवून त्यांची बारीक पावडर तयार केली जाते.
२. उद्देश
मोरिंगा पावडर तयार करण्याची प्रक्रिया शिकणे, शेवग्याच्या पानांचे योग्य पद्धतीने वाळवणे आणि सोलर ड्रायरचा उपयोग समजून घेणे हा या प्रोजेक्टचा मुख्य उद्देश आहे.
३. साहित्य
मोरिंगा पावडर तयार करण्यासाठी शेवग्याची ताजी पाने, स्वच्छ पाणी, चाळणी, ट्रे, सोलर ड्रायर, मिक्सर आणि पॅकिंगसाठी पिशवी यांचा वापर केला जातो.
४. कृती
सर्वप्रथम शेवग्याची ताजी पाने गोळा केली. त्यानंतर पाने स्वच्छ पाण्याने धुऊन घेतली. धुतलेली पाने ट्रेमध्ये व्यवस्थित पसरवून सोलर ड्रायरमध्ये ठेवली. पानांमधील ओलावा कमी होईपर्यंत ती वाळवली. पाने पूर्णपणे वाळल्यानंतर ती मिक्सरमध्ये बारीक करून पावडर तयार केली. तयार झालेली पावडर चाळून स्वच्छ आणि कोरड्या पॅकिंगमध्ये भरली.
५. फ्लो चार्ट
शेवग्याची पाने गोळा करणे → पाने धुणे → ट्रेमध्ये पसरवणे → सोलर ड्रायरमध्ये वाळवणे → पाने बारीक करणे → पावडर चाळणे → पॅकिंग करणे.
६. त्यातून काय शिकलो?
या प्रोजेक्टमधून आम्हाला मोरिंगा पावडर तयार करण्याची प्रक्रिया समजली. तसेच सोलर ड्रायरचा वापर कसा करायचा, पानांमधील ओलावा कसा कमी करायचा आणि वाळलेल्या पानांपासून पावडर कशी तयार करायची हे शिकायला मिळाले.
७. निष्कर्ष
मोरिंगा पावडर तयार करणे ही सोपी आणि उपयुक्त प्रक्रिया आहे. सोलर ड्रायरच्या मदतीने शेवग्याची पाने वाळवून त्यांची पावडर तयार करता येते. योग्य प्रकारे वाळवून आणि कोरड्या जागेत साठवून ही पावडर वापरण्यासाठी तयार ठेवता येते.
