इन्स्टंट गाजर हलवा प्रीमिक्स म्हणजे काय?
इन्स्टंट गाजर हलवा प्रीमिक्स हे तयार मिश्रण (Ready-to-Cook Mix) आहे, ज्याच्या मदतीने काही मिनिटांत चविष्ट गाजर हलवा तयार करता येतो. यासाठी फक्त दूध किंवा पाणी घालून काही मिनिटे शिजवावे लागते. या उत्पादनाचा उद्देश पारंपरिक गाजर हलव्याची अस्सल चव कायम ठेवत त्याची तयारी अधिक सोपी आणि जलद करणे आहे
१. प्रस्तावना
इन्स्टंट गाजर हलवा प्रिमिक्स हे एक तयार-ते-शिजवा (Ready-to-Cook) स्वरूपातील उत्पादन आहे, जे पारंपरिक गाजर हलवा कमी वेळेत आणि कमी मेहनतीत तयार करण्यासाठी विकसित करण्यात आले आहे. या उत्पादनामध्ये ताज्या गाजराची नैसर्गिक चव, सुगंध आणि पौष्टिक मूल्य जपण्याचा प्रयत्न करण्यात आला आहे.हा प्रकल्प विज्ञान आश्रम, पाबळ येथे रेश्मा मॅडम यांच्या मार्गदर्शनाखाली पूर्ण करण्यात आला. या प्रकल्पाचा उद्देश कोणतेही अतिरिक्त साखर किंवा संरक्षक (Preservatives) न वापरता दीर्घ शेल्फ लाइफ असलेले, उच्च दर्जाचे प्रिमिक्स विकसित करणे हा होता.
२. उद्दिष्टे
इन्स्टंट गाजर हलवा प्रिमिक्स विकसित करणे.ग्राहकांचा गाजर हलवा तयार करण्याचा वेळ कमी करणे.जास्त शेल्फ लाइफ असलेले उत्पादन तयार करणे.गाजरातील पौष्टिक मूल्ये जतन करणे.बाजारपेठेसाठी सोयीस्कर व विक्रीयोग्य उत्पादन विकसित करणे आहे.
३. उत्पादनाचे महत्त्व
स्वयंपाकासाठी लागणारा वेळ व श्रम कमी होतात.घरच्या घरी सहज तयार करता येते.कोणतेही संरक्षक न वापरता अधिक शेल्फ लाइफ मिळते.गाजर व दुधातील नैसर्गिक पोषक घटक टिकून राहतात.
४. कच्चा माल
अ. क्र. कच्चा माल. प्रमाण
1 ताजी नारिंगी गाजरे. 20 कि.ग्रॅ.
2 दूध. 12 लिटर
3तुप. 500 ग्रॅम
4वेलची पावडर. 60 ग्रॅम
5सुका मेवा. 216 ग्रॅम
कृती 1.
ताजी व दर्जेदार नारंगी गाजरे निवडा
कृती 2.
गाजरे स्वच्छ पाण्याने धुवा.
कृती.३.
गाजरांची साल काढून ०.४ सें.मी. आकारात किसणीने किसा.
सुरुवातीचे गाजर वजन -20 कि.ग्रॅ.
सालीचा अपव्यय – 4.100 ग्रॅम
अंतिम किसलेले गाजर – 15.900 ग्रॅम
कृती .४.
दूध उकळून त्याचे प्रमाण सुमारे ५०% पर्यंत कमी करा.
कृती.५.
किसलेले गाजर घट्ट केलेल्या दुधामध्ये १ तास शिजवा.
कृती.६.
त्यामध्ये खालील घटक मिसळा –
तूप-500 ग्रॅम
वेलची पावडर – 60 ग्रॅम
आणि सर्व मिश्रण चांगले एकजीव करा.
कृती ७
तयार मिश्रण ड्रायरच्या ट्रेमध्ये समान पसरवा.
कृती ८
इलेक्ट्रिक ड्रायरमध्ये वाळवा.
कृती ९
तापमान – ५५°c प्रथम वाळवणे –
९ तास वाळलेल्या मिश्रणाचे कण वेगळे करा.
कृती १०
पुन्हा ५५°c तापमानावर ६ तास वाळवा.
कृती ११
पूर्णपणे थंड करून आवश्यक असल्यास हलके दळा. आवश्यकता असेल तर .
कृती १२
तयार इन्स्टंट गाजर हलवा प्रिमिक्स योग्य पॅकेजमध्ये भरा.
६. प्रक्रिया प्रवाहचित्र
ताजी गाजरे
↓
धुणे
↓
साल काढणे
↓
किसणे (०.४ सें.मी.)दूध उकळप
↓
गाजर दुधात १ तास शिजवणे
↓
तूप व वेलची पावडर मिसळणे
↓
पहिले वाळवणे (५५०८, ९ तास)वाळलेले मिश्रण वेगळे करणे
↓
दुसरे वाळवणे (५५००, ६ तास)
↓
थंड करणे
↓
पॅकिंग
↓
तयार इन्स्टंट गाजर हलवा प्रिमिक्स
७. पॅकेजिंग
तयार इन्स्टंट गाजर हलवा प्रिमिक्स टेट्रा पॅकमध्ये भरले जाते. या पॅकेजिंगमुळे उत्पादनाचे ओलावा, हवा आणि प्रकाशापासून संरक्षण होते तसेच शेल्फ लाइफ वाढण्यास मदत होते.
पॅकचे घटक
घटक प्रमाण
इन्स्टंट गाजर हलवा प्रिमिक्स पावडर ९४ ग्रॅम
काजू तुकडे. ३ ग्रॅम
बदाम तुकडे. ३ ग्रॅम
एकूण निव्वळ वजन. १०० ग्रॅम
८. उत्पादनाचे फायदे
तयार करण्यास अतिशय सोपे.
काही मिनिटांत हलवा तयार होतो.
अतिरिक्त साखर नाही.
कोणतेही संरक्षक नाहीत.
गाजराची नैसर्गिक चव टिकून राहते.
आकर्षक व सोयीस्कर पॅकेजिंग.
जास्त शेल्फ लाइफ.
घरगुती, प्रवास आणि संस्थात्मक वापरासाठी उपयुक्त.
९. प्रकल्पातील अडचणी
वाळवताना गाजराचा नैसर्गिक नारिंगी रंग टिकवून ठेवणे.
पोषक घटकांचे नुकसान टाळणे,पुन्हा तयार केल्यानंतर योग्य पोत (Texture) मिळवणे.
वाळवण्याचे योग्य तापमान व वेळ निश्चित करणे.
साठवणुकीदरम्यान उत्पादनाची गुणवत्ता टिकवणे.
१०. भविष्यातील संधी
या उत्पादनाला व्यावसायिक स्तरावर मोठी संधी असून ते पुढील ठिकाणी विक्रीसाठी उपलब्ध करता येईल.
सुपर मार्केट
किराणा दुकाने
ऑनलाइन विक्री प्लॅटफॉर्म
संस्थात्मक केटरिंग
निर्यात बाजारपेठ
भविष्यातील सुधारणाः
मधुमेही व्यक्तींसाठी साखरमुक्त.
आवृत्ती प्रीमियम ड्रायफ्रूट प्रकार
विविध फ्लेवर्स
अधिक शेल्फ लाइफसाठी सुधारित पॅकेजिंग
औद्योगिक स्तरावरील उत्पादन
११. निष्कर्ष
इन्स्टंट गाजर हलवा प्रिमिक्स हा प्रकल्प पारंपरिक भारतीय गाजर हलव्याला आधुनिक सोयीची जोड देणारा अभिनव उपक्रम आहे. या उत्पादनामुळे हलवा तयार करण्यासाठी लागणारा वेळ कमी होतो, तसेच त्याची चव, सुगंध आणि पौष्टिक मूल्य कायम राहते. या प्रकल्पामुळे अन्न प्रक्रिया, वाळवणी तंत्रज्ञान, उत्पादन विकास आणि पॅकेजिंग याबाबत मौल्यवान अनुभव मिळाला. पुढील संशोधन व व्यावसायिकीकरणाद्वारे या उत्पादनाला रेडी-टू-कुक खाद्यपदार्थांच्या बाजारपेठेत उत्तम संधी उपलब्ध होऊ शकते.
